منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    الشاعر : حمدان مسعود بن سراب الرقاص الحافي

    شاطر

    آل سعد جناب
    مراقب عام سابق
    مراقب عام سابق

    عدد المساهمات : 462

    الشاعر : حمدان مسعود بن سراب الرقاص الحافي

    مُساهمة من طرف آل سعد جناب في الأحد 14 نوفمبر 2010 - 22:04




    بداية شاعرنا المميز حمدان نريد منك نبذة تعريفية عن شخصك الكريم

    أولا : أشكركم أخي ابن وافي بصفتكم تمثلون منتديات شبك قبيلة الحفاه علي هذا اللقاء الطيب

    ثانياً الأسم : حمدان مسعود بن سراب الرقاص الحافي

    والبداية الشعرية كانت عام 1419هـ





    المحور الأول : بداياتك الشعرية

    1)متى كتب الشاعر حمدان قصيدته الأولى؟؟ يا ليت تسمعنا إياها ؟
    كان هناك قصائد لاتعدو كونها محاولات لكتابة الشعر في بداية المرحله الشعريه ،لكن القصيدة التي هي اجمل ماكتبت في بداياتي قصيده غزلية اتذكر منها




    يانجم ياللي تالي الليـل تلمـع
    جالك لميع وجوك اليوم صافي
    اودعتني يانجم للشعر اناابـدع
    بدعت بالأبيات زيـن القوافـي
    علي وليفٍ عقبه العيـن تدمـع
    هلت علي الخدين دمعٍ ذرافـي
    والقلب من فرقاه صار يتجزع
    عقب المتانه صار فيه انسخافي
    الصاحب اللي بالهوي ماتدلـع
    كتام سر ولا كشف للخوافـي
    ولاهوب للنمات قـام يتسمـع
    ربي عطاه الستر والزين ضافي
    ابوخديدٍ فيـه الأنـوار تسطـع
    بعده شقاي وشوفته لي عوافي


    2) بيت شعر يردده شاعرنا حمدان الرقاص ؟




    خلوني اسج عن موضوعه احسن ليوالا الغلا,, والله ان يبطي هو غالي


    3)شاعريتك هل هي وراثة أم موهبة من المولى عز وجل ؟





    بالنسبه لشاعريتي هي موهبه من الله عز وجل ،وتأخذ من الوراثه الشئ القليل فليس كل افراد العائله شعراء ولكن يوجد منهم من ورثنا منه الشعر ...

    4)شخص تدين له بعد الله في ظهور الشاعر حمدان الرقاص للناس و معرفيتهم به و بشعره ؟

    الفضل لله يا ابن وافي وليس لأحد غيره فضل في ظهوري كشاعر ومازلت احاول ان اكتب الأفضل ،والناس تختلف أذواقها الشعرية فإذا كتبت للجميع كسبت الجميع ،بدون إن تضع لك دعاية إعلاميه ...

    المحو ر الثاني : مرحلة ما بعد البداية :

    5)بعدما وثقت فيما تقول من قصائد و في شاعريتك ما هي أول أبيات نشرتها ؟؟






    لا اذكر اول ابيات نشرتها ولكن قصيده اقول فيها :




    الصيف قفي وطلعة نجمة سهيـل
    وانـا اتحـرى غايـبٍ مابعـد رد
    من فرقته هلت دموعـي هماليـل
    وصارت وسومٍ بيناتٍ علي الخـد
    اسهر علي شانه واجر المواويـل
    لعيون ملهـوف الحشـا واتوجـد
    الصاحب اللي كمل الزين تكميـل
    مثل القمر بين البشر صافي الخـد
    والعين حوراء والشعر كنه الليـل
    ومن بد كل الخلق ماشفت لـه نـد
    ادرى هواه عن العبـاد المهابيـل
    ناس مع اهل الطيب ماجالهـا يـد
    اهل الحكي نقالـة القـال والقيـل
    اللي مع العربـان ماتحفـظ السـد
    لعيونه الثنتين مارضـى البهاذيـل
    لكـن فراقـه يـودع السـد ينبـد
    من يوم سافر مالفى لـه مراسيـل
    وانا اعرفه وافي ولايقبـل الصـد
    لكن كذا الغربه هجوس وغرابيـل
    عسـى وليفـي باثرهـا ماتنـكـد
    وليا طرى طاريه جبت المعاميـل
    وشبيت لـي نـاراً سناهـا توقـد
    وسويت من كيف النشاما الحلاحيل
    اللي عزايمها علي الضيـم تشتـد
    دله وصافيها اشقر البـن والهيـل
    فنجالها يشفي جروحـي ليـا مـد
    ومن عقبها زين اللحـن والتماثيـل
    اغلى من الياقوت واحلى من الشهد
    ماغير اسلي خاطـري بالتعاليـل
    والا همـوم القلـب دايـم توقـد
    واصبر تحت رجوى الليل المقابيل
    عسى بها جمعى الحبايب وتسعـد
    اما رجع خلي بعد طلعـة سهيـل
    والاعلي روحـي حبيبـي تشهـد



    نشرت في جريدة الرياض وكان لها صدي كبير ،حيث اتصل بي كثير من الزملاء والأصدقاء وأشادوا بها

    6)أين يجد نفسه ضيفنا حمدان في أغراض الشعر ؟ و أيهما يجيده تماما و يفضله ؟

    اخي ابن وافي اغراض الشعر كثير وانا لم اطرق منها الكثير ،لكن الغزل هو الذي اميل له واحبه ...






    نأخذ قصيده

    هذه قصيدة غزلية ولكنها تتميز بعدم وجود أي نقطه




    حال المولع سمه الحلـو سمـه
    واودع هموم الروح همه دوامـه
    حلو وحـلاه الله وحـلاه لامـه
    واسعد سوام الهـوى دام سامـه
    ارسل له المرسال لاسـال دمـه
    واصل لداره علاهـا للسلامـه
    واسال واسلـم للمهـاه المهمـه
    علم الهوى لاهل الهوى له علامه
    وماحال حاله حوله امه وعمـه
    والوالد المرحـوم كمـل لعامـه
    رحل وودع للحلـو كـل همـه
    والهم صار ولاع حال الحمامـه
    والله مسهـل للامـور المهمـه
    ادعوه دعوى للسهل والكرامـه
    للحلـو مـادام الاوادم مصمـه
    عسى السعد له والسعاده مرامـه
    اهواه ووداعه هو اعسر مطمـه
    وارسل على حال المولع سهامه
    ماحلحل الحال المولـع وهمـه
    سواه هو راع الدلـع والملامـه





    7) أي بحور الشعر يفضل شاعرنا كتابة قصائده عليه ؟

    بالنسبه لبحور الشعر فانا اكتب علي المسحوب ،ولدي القدره علي كتابة جميع البحور ...





    9)عندما تريد أن تكتب قصيدة ما هو الهاجس الذي يقلقك هل هي فكرة القصيدة أم جودتها ؟

    كتابة القصيدة حرب ضروس ،لاينفع معها الصلح . ولكن نهايتها جميله ،واثق بجودة قصيدتي قبل ان اكتبها ..

    نأخذ قصيده




    الزمـن والبعـد وظـروف الحيـاه
    بعدتنـي عنـك يالظبـي الجـفـول
    صابـرٍ والصبـر مامنـه عــزاه
    كل يـوم احـس بالفرقـاء تطـول
    بيـن هــم ويــاس لله الشـكـاه
    ساهراً والدمع مـن عينـي سبـول
    يالطيـف الـروح مابعـدك هـنـاه
    لوتشوف الحال مـن بعـدك نحـول
    الفكر والقلـب فـي ذكـراك تـاه
    وفي خيالي صورتك دايـم تجـول
    لانك اجمل شخص يجذبنـي هـواه
    وصرت اسير الخد والطرف الكحول
    العيـون السـود مامنـهـا نـجـاه
    كـان سلهـم نظرتـه منهـا قتـول
    والجديل اللـي علـي متنـه رمـاه
    اشقر يسحـر ليـا صـار مهلـول
    ضامرن بالوسـط ملهـوف حشـاه
    فيه كل الوصف مدري ويش اقـول
    عـود مـوزاً ناعـم كلـه طــراه
    مع نسانيس الهـوى غصنـه ميـول
    كل زيـن الكـون محبوبـي حـواه
    من ينول الزين غيـره مـن ينـول
    يتـدلـل والـدلـل زود حـــلاه
    يايعـد عمـري تـدلـل يـادلـول
    لويطـول البعـد قلـبـي مانـسـاه
    مستحيل ولوقعـد عشريـن حـول
    عايشٍ فـي جـو مايمطـر سمـاه
    وان رجع شفت السما تمطر همـول
    يامتـى الأيـام تجمعـنـي مـعـاه
    يابشيـر الخيـر عجـل يالرسـول





    10)هل شاعرنا من المتقنين لشعر القلطة أم ؟ و هل هناك شعر نظم و شاعر قلطة ؟

    نعم انا من المتقنين لشعر القلطه (المحاوره)،و هناك من يكتب شعر النظم ولا يجيد القلطه والعكس صحيح ...




    ناخذ قصيده




    البارحـه هاضـت علـي القريحـه
    والشعر صعب وهاجس الشعر مجنون
    إما يجيـب إلـك الفخـر والمديحـه
    والايجيب إلـك الغرابيـل والهـون
    وانا احمـد الله هاجسـي ماستبيحـه
    دايم مثبـت لـي مقامـات وركـون
    يوم ان بعض الناس شعـره فضيحـه
    ولو مادرى عنـه المخاليـق يـدرون
    اللـي كمـا المترديـه والنطيـحـه
    ياكثرهـم فـي كـل وادٍ يهيـمـون
    والنـاس منهـم ماهـي بمستريحـه
    دايم علي الشاشه يجـون ويروحـون
    لابيت شعـر ولا قصيـده فصيحـه
    لكنـهـم بالواسـطـه يستعيـشـون
    والا الشعر معـروف ورده وشيحـه
    يادولـةٍ شعارهـا فــوق ملـيـون
    الشعـر يبقـي للوجـيـه الفليـحـه
    امثال ابن هذال وامثـال ابـن عـون
    وسـواة مطلـق ياعـسالله يبيـحـه
    اللي غداء نص الأدب معـه مدفـون
    ورشيـد صـواغ البيـوت المليحـه
    ومستور وحبيب ومثل ابـن لعبـون
    والهاجري سلطان ضمـن الشريحـه
    سلطان شعره وسمعته غطىً الكـون
    والحربي مـداو القلـوب الجريحـه
    لافي نعده شاعر الوصـف واللـون
    وامثالهـم وسـط الديـار الفسيحـه
    شعار من جزل المعانـي يصيغـون
    وبالمختصر ياهل العقـول الرجيحـه
    ماتلحـق الشكـات شاعـر ودنـدون
    وانـا علـي درب الأدب والنصيحـه
    واتعب واجيب البيت وافي ومـوزون
    واقـول لاهاضـت علـي القريحـه
    الشعر صعب وقولو اللـي تقولـون





    هذه أبيات كتبتها أرثي بها والدي رحمه الله تعالي ،وأسكنه فسيح جناته أقول فيها :





    ياللي تقول انـي قليـل السواليـف
    وانـه تغيـر كـل شـي بحيـاتـي
    همي كبيـر ولايبـي زود تعريـف
    والحزن يامشكاي في وسـط ذاتـي
    واني عقب سهم القدر والصواديـف
    اسهر مع نجـوم السماءالساهراتـي
    ولي ونةٍ تسمع من السيـف للسيـف
    ولي دمعةٍتسقـي جميـع الجهاتـي
    من يوم فرقا اللي عليـه التحاسيـف
    الشايب اللي سـادس العيـد ماتـي
    ابويه اللي يكـرم الجـار والضيـف
    مسعود مسعـود السعـد والغناتـي
    وشلون اوصف ضيقتي بالتواصيـف
    هل تعلم انـي مـت قبـل المماتـي
    يوم الاثنين العصر ياحيـف ياحيـف
    عشت الحزن والهـم وزود شتاتـي
    ودعت ابوي ودمع عينـي ذواريـف
    والقلب كنـه فيـه رمـح الزناتـي
    ياكيف حالي عقـب فرقـاه ياكيـف
    يـارب انـا طالبـك تجبرعـزاتـي
    وترحم كريم الكف راع المعاريـف
    اللي ختم عمره بفـرض الصلاتـي
    وتسقي ثري قبره من الصيف للصيف
    وتجزاه عن حسن العمـل بالثباتـي
    وفي جنة الفردوس منزل وتشريـف
    بصحبة رسول الله عليـه الصلاتـي


    مــــنــــقــــول


    _________________
    http://www.jnabh.com/
    للمزيد والجديد أضغط على الرابط

    خافي المكنون
    مراقب عام
    مراقب عام

    عدد المساهمات : 394

    رد: الشاعر : حمدان مسعود بن سراب الرقاص الحافي

    مُساهمة من طرف خافي المكنون في الأحد 14 نوفمبر 2010 - 23:45

    لاهنت على النقل الميز
    تقبل تواجدي يالقرم

    آل سعد جناب
    مراقب عام سابق
    مراقب عام سابق

    عدد المساهمات : 462

    رد: الشاعر : حمدان مسعود بن سراب الرقاص الحافي

    مُساهمة من طرف آل سعد جناب في الثلاثاء 16 نوفمبر 2010 - 23:28

    مشكور على المرور الرائع والعطر

    تـــحـــــيـــــاتــــــيـــــ


    _________________
    http://www.jnabh.com/
    للمزيد والجديد أضغط على الرابط

    الغريب
    مراقب عام سابق
    مراقب عام سابق

    عدد المساهمات : 1157

    رد: الشاعر : حمدان مسعود بن سراب الرقاص الحافي

    مُساهمة من طرف الغريب في الأربعاء 17 نوفمبر 2010 - 11:07

    ال سعد جناب
    كل الشكر لك
    ولاعدمناااااااااااك

      الوقت/التاريخ الآن هو الأحد 11 ديسمبر 2016 - 14:54