منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    الشاعر الكبير مطلق بن ناصرال طايع الهاجري في سنة 1983

    شاطر

    الناقد
    شاعر ومراقب
    شاعر ومراقب

    عدد المساهمات : 101

    الشاعر الكبير مطلق بن ناصرال طايع الهاجري في سنة 1983

    مُساهمة من طرف الناقد في الإثنين 29 نوفمبر 2010 - 15:18

    الشاعر الكبير مطلق بن ناصرال طايع الهاجري في سنة 1983
    كان يريد الدخول للكويت وقالوا له اهل المركز جوازك ما فيه صفحات كله ختوم قال والحل ؟ قالوا ادخل على الضابط .. دخل على الظابط ووضع ورقه فيها هذه الأبيات في جوازه:
    كمّل جوازي من ختوم النويصيب
    وكل الختوم اللي لقيتوا ختومه
    لا منه بوادّي ولا منه بجيب
    راعي لزوم ولا انقضى له لزومه
    ودق الختم فوق الختم ماهو بعيب
    ختم الحكومه في جواز الحكومه
    وحصل موقف مشابه للشاعر ضيدان بن قضعان في عام 2003 م وكتب هذه القصيده وأخذ البيت الاول من قصيدة ابو ناصر كمل جوازي من ختوم النويصيب وسند ضيدان القصيده على الشاعر الكبير مطلق بن ناصر
    نشرت قصيده ضيدان في مجلة المختلف ولم تنشر قصيده مطلق
    بعد ذلك نزلت القصيده في النت في منتدى النداوي بأمر من الشاعر مطلق الهاجري
    وارسلت القصيده مع كامل قصتها وعن اخذ ضيدان بيت للشاعر مطلق الهاجري الى مجلة أصايل
    ونزلت في مجلة أصايل العدد التاسع بتاريخ 15 / 07 / 2003م


    يقول
    ضيدان أبن قضعان
    كمل جوازي من ختـوم النويصيـب
    وأخذت مـن عنـد المحافـظ بطاقـه
    لو ماعطاني كان ماردنـي ((البيـب))
    اليا أرتكـى كـلٍ علـى مـخ ساقـه
    أطمر من اللكزس وأطوح على الجيب
    ولا نيب فالخفجـي عليمـي سواقـه
    وإن مافهقت عصير ((رغوه)) فلا نيب
    شوق الهنوف العيطمـوس الدقاقـه
    بنت الشيـوخ مفرقيـن الأصاحيـب
    اللـي يعشقـون المراجـل عشاقـه
    لعيونها تبدي لـي الشمـس وتغيـب
    ويلحق بها عمـري مـداه وغلاقـه
    قلبي وفلذة كبدي اللـي بـدا الشيـب
    من يـوم ماصـار المواجـه شفاقـه
    يا الهاجري ((مطلق)) كثير التراحيـب
    في وجه ضيفٍ قـام حظـه وساقـه
    وضواه حظه مـن خيـار المعازيـب
    والفا علـى أهـل المرحبـا واللباقـه
    ملفاه(( أبو ناصر )) قديم التجاريـب
    اللـي علـى الدنيـا وثيـق العلاقـه
    فمشـيِّـدٍ ومثـبـتٍ بالأطـانـيـب
    امروبـعٍ يـذري حجابـه رواقــه
    من بيـن ربـعٍ يكملـون المطاليـب
    وكلٍ يسوق الطيـب خـارج نطاقـه
    ((هواجـرٍ)) مايجهلـون المواجيـب
    ولا لهـم عقـب الهجـوم انفهاقـه
    كبيرهـم سوالفـه شمّـخ النـيـب
    لاسولـف الأحمـق علـوم الحماقـه
    وأوسطهم إن دارت عليـه الدواليـب
    ماطـار بحقـوق الوفـا والصداقـه
    واصغيرهم لا أقبلت رحـب بترحيـب
    خطـرٍ يسبـق مرحبـاه بطـلاقـه
    يا صاحبي ((مطلق)) عطيب المضاريب
    من قبل لا يخلـي العراقـي عراقـه
    لازم تجي لـو يزعلـون المناصيـب
    لو دونهـا مـوجٍ يهـول إصطفاقـه
    البارحه من بيـن خضـر الهناديـب
    غنى حمـام الـورق علـى رواقـه
    وعـدّا المغنـي نايفـات المراقيـب
    وعنده علـى مبـدا الطويلـه لياقـه
    والموهبـه ماهيـب تحتـاج تدريـب
    والـذ شــيٍ فالحـيـاة الـذواقـه
    ومن سلم اللحيـه لبيـض الرعابيب
    لابـد مانعطـيـه كــف الحـلاقـه
    يا مطلق إرفعها عن الشـك والريـب
    ومن كب ((ما)) الحيضان ماعاد حاقه
    وانت الذي يرمي بك الظـن ويصيـب
    وإلا الردي ماله علـى الظـن طاقـه
    ساسك عريب وراسك أطيب من الطيب
    وأبيـك يرخـي للثقيـلـه شقـاقـه
    والبل ليا اقفـت ماتجـي بالمناديـب
    وحنـا علـى ماقيـل ربـع ورفاقـه
    وأنا الخبير بسوق عـوج المصاليـب
    ومـن جـل ذودك ماتنقـى دقـاقـه
    نهبت مفـروده تعشى بها الذيـب
    سلف... ومردوده على الحـول ناقـه

    رد مطلق بن ناصر

    ضيدان إبن منصور يا عيّ يا صعيب
    سماك الأزرق صافـيٍ لـك زراقـه
    واللي كتبـه الله مـن الله مكاتيـب
    سِجّ القـدم واللـي يلاقيـك لاقـه
    خابرك لعيون البني منـت بتهيـب
    لمن طرى لـك هومـةٍ وانصفاقـه
    واللي يجي تهريب ويروح تهريـب
    مـع السواريـق يتسـرّق اسراقـه
    جيبٍ يودّي بيـن حدّيـن ويجيـب
    تحت القمر والشمس يبـرق براقـه
    وانا أدري إنك إنسان ما تعلم الغيب
    ودّك بقـرب الشـر والا افـراقـه
    ما افتنك لو القصر ما عنه تجنيـب
    والفتنة اللي مثـل هـذي اطقاقـه
    غزيت كنّك غازي الفطّـر الشيـب
    والسالفـة بينـي وبينـك ادقاقـه
    أقلط على مـا ربّطـوه الجلاليـب
    ربق الغنم للضيف نخلـي ارباقـه
    قبل الشحم هيل وعقب الشحم طيـب
    وأهلا وسهـلا بيـن فاقـه وفاقـه
    من يجهله قـدر اللحـا والاشانيـب
    هذاك من عرض العلايـق اعلاقـه
    إبك الوفا بالعون ما بـك عذاريـب
    يمنـاك مغـرافٍ وخاطـرك طاقـه
    لجيـت ابوصّفـك رِيّ المحـاديـب
    قضعان في راسك بركـة ومحاقـه
    وحِلفنـا علـى نبـي الله شعـيـب
    ويمكن على المهدي يصير انشقاقـه
    أنتم غرام اللـي نـوى بالاجانيـب
    وحنّا مـلاذ اللـي عليـه انزناقـه
    أنتم وحنّـا مـا نطيـع الزواريـب
    وكلٍّ على مـا قيـل حمّـاي ساقـه
    سكّين ياسر رزق هاشـل ادغيليـب
    يلحـق عليهـا بالمبـارِد إلحاقـه
    يالشاعر العجمي غريـب الاساليـب
    عمر المنافـق مـا يسـرّه نفاقـه
    الاديب أديب الشعر ياديـب ياديـب
    نلعـب إجـداده ونتحفّـظ اعتاقـه
    للصدق تصديـقٍ وللكـذب تكذيـب
    اللي تلصّق نـدري انهـا إلصاقـه
    طوّلتهـا قصّرتهـا تجـرة الجيـب
    وردٍ ولا يكفـي مـن الـورد باقـه
    وإن جعت يا محرّم لحمة القصاصيب
    صيد الرماية غيـر صيـد الحداقـه
    قِدرٍ مطبّـق لـو تحتـه مشاهيـب
    محدٍ بـداري وش تحـت الطباقـه
    دنيا العجايب والعجـب والتعاجيـب
    للمنطلـق فيهـا عليـك إنطلاقـه
    عصا الإمام اللي حكمها امشيعيـب
    والغرب من هدّاج يـروي إشلاقـه
    الأمثال تضرب مثل شيبٍ ولا عيـب
    ماهيـب مـالٍ مـن تـولاّه باقـه
    باضرب مثل وأنت أبعد الشك والريب
    المنخنـق خنّاقتـه فـي اخنـاقـه



    صحافة جناب الهضب
    مراقب عام
    مراقب عام

    عدد المساهمات : 15411

    رد: الشاعر الكبير مطلق بن ناصرال طايع الهاجري في سنة 1983

    مُساهمة من طرف صحافة جناب الهضب في الإثنين 29 نوفمبر 2010 - 16:54

    صح لسان الشاعر ولاهنت يالناقد

      الوقت/التاريخ الآن هو السبت 10 ديسمبر 2016 - 15:48