منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    قصة شاب خطب بنت عمه، شروط ما قبل الزواج، قصص، قصة وقصيدة شروط الزواج ، شروطكم تقصم ظهـور البعاريـن، شروطكـم همّـن وغـم وكآبـه، شروطكم والله سيوف وسكاكيـن، تذبح بنات المجتمع مـع شبابـه ، حنا بعصـر العولمـة والمزاييـن ، ماهوب عصر الفلسفة والخطابـة

    شاطر

    فريق جناب الهضب
    اداري
    اداري

    عدد المساهمات : 10999

    قصة شاب خطب بنت عمه، شروط ما قبل الزواج، قصص، قصة وقصيدة شروط الزواج ، شروطكم تقصم ظهـور البعاريـن، شروطكـم همّـن وغـم وكآبـه، شروطكم والله سيوف وسكاكيـن، تذبح بنات المجتمع مـع شبابـه ، حنا بعصـر العولمـة والمزاييـن ، ماهوب عصر الفلسفة والخطابـة

    مُساهمة من طرف فريق جناب الهضب في الإثنين 2 يناير 2012 - 4:44

    سبحان من يرزق بتوع الملاييـن
    الرازق اللي ما يخيب الرجـا بـه
    **
    لي عم عنده معـرضٍ للصواليـن
    أموت واعرف بس من وين جابـه
    **
    وإذا سألته قـال بعـت الدكاكيـن
    ما يدري إني ما هضمت الإجابـة
    **
    الشاهد إني رحت له قبـل يوميـن
    في قصره العامـر ودقيـت بابـه
    **
    قال أرحب أرحب عدّد ورد البساتين
    يا مرحبا باللـي لفـا يـا هلا بـه
    **
    قلت البقا عـدّ النفـل والرياحيـن
    يا شيخ شمل أهل الكرم والذرابـه
    **
    قال اسلم الله يحفظك لي من العين
    وآمر أوامر حضرتـك مستجابـة
    **
    قلت الصراحة طالبٍ قرب غاليـن
    ودي تزوجنـي كريمتـك يـابـه
    **
    ثنّى وقال أهليـن والله وسهليـن
    والكون ترخص لجل عينك رقابـه
    **
    لكن ترا عندي شـروط وقوانيـن
    قلت اشرط اشرط يا حبيب الغلابـة
    **
    قال أولاً مهر العروسـة ثمانيـن
    غير الرسوم وغير حق العصابـة
    **
    والثانية عمك يبي منـك سبعيـن
    رسم الأبـوّة والنسـب والقرابـة
    **
    وأم العروسة حقها منـك ستيـن
    عشانها ست الحسـن والمهابـة
    **
    وإخوانها كلن يبي منـك خمسيـن
    عداً ونقـداً تنـدرج فـي حسابـه
    **
    وخواتها الخمس عطهن من ثلاثين
    عشان تتوثـق عـروق النسابـة
    **
    وتجيب طقم عيار واحد وعشرين
    وخاتم من الماس المصفى ترابـه
    **
    وأكياس متروسة كعوب وفساتيـن
    ألوانهـا وأشكالهـا مـا تشابـه
    **
    وموتر بسواقـه وفيـلا بدوريـن
    أثاثهـا مـن بطرتـه ينحكـى بـه
    **
    واحجز لنا قاعة بقصر السلاطيـن
    واحجز بهـا رقاصتيـن وربابـه
    **
    هذي الشروط اللي على بالي الحين
    وذكرني اللي ما حسبنـا حسابـه
    **
    قلت اذكر الله يا عـدو المساكيـن
    واستغفـره لا يبتلـيـك بعـذابـه
    **
    الظاهر إنك منت عارف أنا ميـن
    أنا لو أرقى فـوق متـن السحابـه
    **
    ما جبت حتى نص درزن مواعيـن
    واضحك بكيفك واعتبرهـا دعابـة
    **
    شروطكم هذي شـروط المجانيـن
    شروطكم شغـل ابتـزاز ونهابـه
    **
    شروطكم تقصم ظهـور البعاريـن
    شروطكـم همّـن وغـم وكآبـه
    **
    شروطكم والله سيوف وسكاكيـن
    تذبح بنات المجتمع مـع شبابـه
    **
    وين الرضا والعطف واليسر والليـن
    اللي ذكرهـا الله بمحكـم كتابـه
    **
    وين الصفات اللي أمرنا بها الديـن
    وين اختفى نهج النبي والصحابـة
    **
    يا عم جعل اللي خلقنا من الطيـن
    يرد عقلك مـن خطـاه لصوابـه
    **
    ويجعل نصيبي عند غيرك قل آمين
    ويحسن عزا الصابر ويجزل ثوابه
    **
    قال أنت لو فكرت تفكير صاحيـن
    ما شفت في مجمل شروطي غرابه
    **
    حنا بعصـر العولمـة والمزاييـن
    ماهوب عصر الفلسفة والخطابـة
    **
    الناس تسعى للرتـب والنياشيـن
    وأنت اهتمامك بالشعـر والكتابـة
    **
    والشعر ما ينفعك لو هو دواويـن
    ما دام جيبك مثـل بيـت الخرابـة
    **
    يا بوك لا تسمع كلام المصاخيـن
    واسأل مجرب عاش في وسط غابه
    **
    قلت الله أكبر يا محـرر فلسطيـن
    من يسمعك يحسبك ذيـب الذيابـه
    **
    تراك شايب رأس مالـك رياليـن
    والبنت ما تسوى جنـاح الذبابـة
    ^^^ خربت الأخلاق ^^^
    **
    قال انقلع مالت على وجهك الشين
    لا عاد أشوفـك عندنـا يالزلابـه
    **
    قلت ابشر أبشر لكن الباب من وين
    وأقفيت من عنده على صوت بابـه
    ******
    وســـــــلامــــتـــكـــــم


    المصدر أضغط هنا

    فريق جناب الهضب
    اداري
    اداري

    عدد المساهمات : 10999

    رد: قصة شاب خطب بنت عمه، شروط ما قبل الزواج، قصص، قصة وقصيدة شروط الزواج ، شروطكم تقصم ظهـور البعاريـن، شروطكـم همّـن وغـم وكآبـه، شروطكم والله سيوف وسكاكيـن، تذبح بنات المجتمع مـع شبابـه ، حنا بعصـر العولمـة والمزاييـن ، ماهوب عصر الفلسفة والخطابـة

    مُساهمة من طرف فريق جناب الهضب في الإثنين 2 يناير 2012 - 4:45

    1 1 2012

      الوقت/التاريخ الآن هو السبت 10 ديسمبر 2016 - 19:42