منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    يوتيوب ، فيديو، قصيدة مصلح بن عياد 1 2 2012م، 9 3 1433هـ، المرجلة ياهل المراجل لها أنواع ، ثلاث واربع يا نشامى وثنتين ، خوف من الله واحترام وتشفاع وحفظ على رزق اليتامى المساكين

    شاطر

    يوتيوب ، فيديو، قصيدة مصلح بن عياد 1 2 2012م، 9 3 1433هـ، المرجلة ياهل المراجل لها أنواع ، ثلاث واربع يا نشامى وثنتين ، خوف من الله واحترام وتشفاع وحفظ على رزق اليتامى المساكين

    مُساهمة من طرف فريق العمل بجناب الهضب في الخميس 2 فبراير 2012 - 1:11



    الشاعر

    مصلح بن عياد الشلوي

    يالله يالمعبود اجرنا من اليوم المخيـف=يوم تذهل مرضعتنـا تشيـب اولادنـا
    ياجليل الملك ياجاعل البيـت الشريـف=قبلـةٍ لوجيهنـا ثـالـثٍ لااعيـادنـا
    لا إله إلا أنت ماعنك صـد ولامصيـف=ياكفيـل ارزاقنـا وارضنـا واسيادنـا
    والله يمين القسم لو يزيد القيـف قيـف=مانطـاوع فـي بلدنـا وفـي قيـادنـا
    والذي تسجد له الخلق بالحزم النظيـف=مانجنب عـن عهدنـا وعـن ميعادنـا
    لو يسيل الدم من حضرموت اليا القطيف=الملـوك ملوكنـا والـبـلاد بـلادنـا
    الشريعة واضحة والعدالة حـد سيـف=والعمولـة وحّـده كاشنـا واقصادنـا
    عندنا شهب المقاضيب والحد الرهيـف=السيـوف سيوفنـا والزنـاد ازنـادنـا
    حجة الكذاب نضربهـا وجـه العنيـف=كلنـا يـد وحـده جمعنـا وافـرادنـا
    نجذب الارواح ونتلهـا تـل العسيـف=لين تشرب جغمة الموت مـن ميرادنـا
    دقت الساعة وبان الثقيل من الخفيـف=وانحسم تعـداد الانـذال مـن تعدادنـا
    ياهل الراي الغلط ياهل الدرب القصيـف=كـل مايكثـر غلطكـم يزيـد اعنادنـا
    الذلـول الجيـدة مايثقلهـا الـرديـف=الرسـن بيديننـا والشـداد شـدادنـا
    ليه توزيع الجماجم على حيد الرصيـف=ليه قتل ضيوفنـا ليـه قتـل احفادنـا
    لاجزيتوا خير ماعندنـا ديـنٍ ضعيـف=الشهامة طبـع ابآنـا وطبـع اجدادنـا
    عندنا الايمـان بالله والديـن الحنيـف=والرسـل منـا وفينـا ودم اكبـادنـا
    المساجد عامرة للمضيـف والُمضيـف=مانحـط اجباهنـا الا علـى سجـادنـا
    نهتدي بالهدي ونعدي الرجـم المنيـف=وإنتكافـا الشـر ليـن العـدو يعتادنـا
    ثم نمشي لين ناطا على الخد الصخيـف=في عيون اللـي يبينـا نـدق اوتادنـا
    عندنا ما عندنا ما على الدنيـا حسيـف=المهـم إنـا نصيـد العـدو ماصادنـا
    نطلـب الثنتيـن والله بعبـاده لطيـف=النصـر والا الشهـادة هـذاه اجهادنـا
    الجهاد اللي على حق نمشي به صفيف=نحتمي به شرعنا وارضنـا واسيادنـا
    العلم مرفوع من عهد ابوبكـر الخليـف=ماعلينـا مـن عدانـا ومـن حسادنـا
    ما حكمنا الفهد بالظلم يآكـال الرغيـف=ماحكمنـا الا زعيـمٍ يحـب اروادنــا
    جعل عينٍ ماتحب الفهد تصبـح كفيـف=الزعيـم اللـي حكمنـا وفـك اقيادنـا
    عاش ابومتعب ذرانا ليا ناض الخريـف=قصرنا اللي في ركونه نحـط اعتادنـا
    الأسد الواعي اللـي لنيبانـه صريـف=يسهر الغابـة وحنـا يطـول ارقادنـا
    عاش ابوخالد وحنا لابوخالـد سعيـف=من شماله في يمينـه نحـث اجيادنـا
    قوة من تحتنا الارض يركبهـا رجيـف=درع أبوخالـد وهـو درعنـا وسنادنـا
    ياوزيـر الداخليةلـو الموقـف كليـف=ادعنـا وابشربنـا روسنـا واعضادنـا
    كلنا قوات امـن لاضعيـف ولاطريـف=لاتنشّدنـا عـن الـذل يـا نشّـادنـا
    ان تقدمنا فرقنـا وليـفٍ عـن وليـف=وان توخرنا رصدنا الهـدف بارصادنـا
    ماتحسفنا الرتب من فريق اليا عريـف=نادنـا يابومحمـد بالاسمـاء نـادنـا
    ما خلقنا الله عبث للربيـع وللمصيـف=إن بلينا وان صبرنـا تزيـن انشادنـا
    العدا حطوا لنا من مساحينـا عطيـف=والعطيـف المنثلـم فادنـا مافـادنـا
    حسبنا الله اللي انجى رسوله من ثقيف=سيفنـا سلطاننـا نـورنـا مقـدادنـا
    ياملوك بلادنـا مـال دولتنـا وصيـف=شربكم من شربنا زادكـم مـن زادنـا
    الشهامة طبعكم والشجاع الكـم حليـف=ياذرانـا ياسعـدنـا ويــا روادنــا
    ياعيال معشي الذئب بالسيف النحيـف=عـن غلطنـا ردنـا للبطولـة قادنـا
    ابشروا واستبشروا طبعنا طبعٍ عفيـف=تشبع السرحان فـي حربنـا واطرادنـا
    العنيد نطوعه والعـدو يرجـع معيـف=قوم في مرواحنـا قـوم فـي معوادنـا
    سيدي حنا الشلاوى مانحتاج اتعريـف=الـولاء مشروبنـا والوفـاء زوادنــا
    من بن الحارث جنود الفهد درعٍ سديف=ماتحدرنـا العواصيـف عـن مسنادنـا
    والسلام ختام والصقر لجناحـه رفيـف=والملـوك ملوكنـا والـبـلاد بـلادنـا




    الشاعر الكبير / مصلح بن عياد الشلوي


    عدل سابقا من قبل فريق العمل بجناب الهضب في الجمعة 13 يونيو 2014 - 4:00 عدل 1 مرات

    رد: يوتيوب ، فيديو، قصيدة مصلح بن عياد 1 2 2012م، 9 3 1433هـ، المرجلة ياهل المراجل لها أنواع ، ثلاث واربع يا نشامى وثنتين ، خوف من الله واحترام وتشفاع وحفظ على رزق اليتامى المساكين

    مُساهمة من طرف فريق العمل بجناب الهضب في الخميس 2 فبراير 2012 - 1:12

    04:00:37

      الوقت/التاريخ الآن هو الجمعة 9 ديسمبر 2016 - 5:01