منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    بعض قصائد الشاعر الكبير سعد بن جدلان الاكلبي

    شاطر

    الغريب
    مراقب عام سابق
    مراقب عام سابق

    عدد المساهمات : 1157

    بعض قصائد الشاعر الكبير سعد بن جدلان الاكلبي

    مُساهمة من طرف الغريب في السبت 18 سبتمبر 2010 - 19:33

    -

    اضع بين ايديكم بعض قصائد الشاعر الكبير/ سعد بن جدلان الاكلبي
    لااقول شاعر بل هو لسان المشاعر
    فـ لله دره ..
    يقوول ابن جدلان :





    الا ياالله ياللي تحـت هيبـة سلطنتـك اسلمـتلك المسلم يسبح لك بحمـدك ولـك الاسلامـي
    احمدك واشكرك واثني عليك بما علـي انعمـتتزودني وفا قـدر العشيـر ووصـل الارحامـي
    ولجك الفجر ياليل الذهول اللي علـي اضلمـتبعرضك واقع الماضي بعيني عـرض الافلامـي
    ولهتك يالنديم اللي على صافي وفـاك اضرمـتبصفحة ذكريات العام واللـي مـن ورا العامـي
    بعد تقرير مشوار التجـارب نجحـك واجزمـتبان السيف سيفي والعصـا والمحـزم احزامـي
    عطتني عزلة اخلاصي معك نسيان مـن نادمـتكتبتك وانطوت صحفي عليـك و جفـت اقلامـي
    اباهـي لا ابالـي واتبيسـط كــل ماقـدمـتاشـب النـار قـدام العـرب واشيـد اخيامـي
    نهاري حر شمسه يستحي منها لسـان الشمـتوليلي ترقب نجومـه ملامـة كـل مـن لامـي
    على ضو الكلام اللي كشف عنا ستـار الصمـتعرفت اني تحت برق الامل في روض الاحلامي
    احسب انك تيمم با اتجاهـي ويـن مـا يممـتواثر ما انت بورايه في الطريق ولانت قدامـي
    مصيبه لاتدنت قيمتـك فـي عيـن مـن قيمـتيشوفك بالسهل وانته تشوفه بالسمـا السامـي
    كثر ماحن قلبي للونيـس وكثـر مـا درهمـتفجر صدري حنيني واتعـب الاقـدام درهامـي
    عيون الصد وعيون التجافي حول مهما اكرمـتتشـوف المجتهـد كسـلان والبنـاي هدامـي
    مدام ان جانبك شام لجنابي وانت عنـي شمـتكثر خيـرك وانـا مانيـب لاجايـع ولاضامـي
    اشوف انه علي واجـب ليـا مريتكـم سلمـتمرور اكرام تربطـه الكرامـه عنـد الاكرامـي
    على شان الخفوق اللي على عرشه قعدت وقمتحجب عنك الدجى لين اشرقت لك بيض الايامي
    ختام السالفه ياطيـب العشـره كرمـت ودمـتهذا حقك علي وحق شرهاتـي علـى اوهامـي
    مصير الوقت يشرح لك دروسه وان غفلت ونمتيصحيك الزمان اللي يصحـي كـل مـن نامـي
    تذكرني لامنها خابـت اوهامـك فمـن وهمـتوشفت الفرق في حب الخشوم وحب الاقدامـي




    القصيده الثانيه









    يالله ياللي بيدك الرزق وادراجـهافتح لنا أبواب رزقك لا تخيبنـا
    فاحت علينانسيم المسك زعّاجـهوالمسك جتنا ذعاذيعـه وطيّبنـا
    برق الحيا يجذب المسني تليعاجهوإلي جذب غيرنا للبرق جاذبنـا
    جينا يا سلطان ابوخالد لناحاجـهولولا الرجا فيك مازاعت ركايبنا
    جينا إل ليثٍ يلوح الطيب بحجاجهنشكي على الله و نشكيله متاعبنا
    نلح بقعا بليـا كـور و حداجـهحتى طويل المدى فضّا مزاهبنـا
    نستربيوت الندا عن كل هرّاجـهكنوزنا الصبر والشيمه رواتبنـا
    حتى لحقنا ضعافة وقت حواجـهضعا فتٍ عند مثلك مـا تعذربنـا
    وجينالبيتٍ رفيع الساس وادراجهما هو مباني زجاجٍ توهـا تبنـا
    كلٍ يروح ويجي و يعد ما واجـهواليوم حنّا عيالك وانـت شايبنـا
    وإسلم عدد مايهيج البحربامواجهوإقبل تحيـة ضيوفـك يامعزبنـا





    القصيده الثالثه


    في سمو سيدي الامير سلمان بن عبدالعزيز حفظه الله







    بسـم رحمـن ٍ رحيـم نعـبـده و نستعيـنـهبالنوايـا نيتـه تبطـل حقايـق كــل نـيّـة
    بالربوبيـة و بالشـان العظـيـم موحديـنـهالرقيـب المطلـع فالبينـات و فـي الخفيّـة
    لا مفرٍ من قضـاه و لا هـروبٍ مـن يقينـهو لا حمايـة للحصـون إلا حمايتـه القويّـه
    يا بنات الفكر هاتـي لـي نـوادرك الثمينـةفي نبا سلمان بن عبدالعزيـز أمشـي جريّـه
    في سنام طويق يزرع لك من الياقـوت عينـهفي زاد و فيه شرب و فيه كـن و فيـه فيّـه
    جودته تغني الفقارى و ارجـحٍ خطـلاً يمينـهلطمته تعمي عـداه و نفـح جـوده مسفطيّـه
    طول الله فـي بقـاه و مـدد الله فـي سنينـهالخصال الطيبه في شيخ أهـل نجـد العذّيـه
    شايل الحمل الثقيل و معتق النفـس الرهينـهبالدليـل و طايـع ربــه و متـبـع نبـيـه
    يـا ولـد قايـد مسيرتنـا وربـان السفيـنـهالزعيم الفيصلي مرسـي الحـدود الفيصليـه
    صبح المديون قبـل الفجـر ثـم ارتـد دينـهقمتـه سـت الركايـب و ار بعيـن بوارديـه
    لا يغـدر و لا يخـون و لا يحقـر محاربينـهيرفع البيرق على وضح النقا و الشمس حيّـه
    بعد ما سيطر على الخزان و استولى الخزينـهصوتـوا بالحكـم بيـن مقيبـره و الناصريـه
    كانت اقلوب أهلها شتـى و كـلٍ لـه ضغينـهفي جهل و أعمالهم سلب و نهب و عنصريـه
    جاتـه الأسيـاد تعطيـه الـولا و مبايعنـيـهبعد شافوا ضرب أبو تركي و مركاض العبيّـه
    كان في الشبه أربعين و كان به عشره بطينـهفأشهد إن عبدالعزيز الفيصلي مـا فيـه زيّـه
    سيدي قدام أجيـك القلـب مـا يظهـر كنينـهأتلـزا بالعـزوم اليـوم و الصبـح و قفـيّـه
    و عندكم يا بو فهد تبدا الظواهـر و البطينـهانتوا اللي بعـد رب البيـت منصـى للشكيّـه
    سيدي ترك الحقوق اللازمه مـا هيـب زينـهخص عند اللي يقول حقٍ علـي و حـق ليّـه
    إن بغيت أصد لا الصده عن الماجـوب شينـهو إن بغيت أجود شحّن المصـاري مـن يديّـه
    في و جهك و وجه أبوك أو جاه مكه و المدينهو جاه من صام رمضان و جاه من حج الضحيّه
    من قيادٍ عند أخـس النـاس ورّانـا الغبينـهو الدهر يـا كثـر قشرانـه و ياقـل أجوديّـه
    يا صلاة الله على من دين أهل الاسـلام دينـهو السلام و رحمـة الله و بركاتـه و التحيّـه



    القصيده الرابعه







    البارحـه يـوم الاوادم خواشيـعفي نومها وناعلى الكـوع واعـي
    هم(ن)يمزع سترة القلـب تمزيـعتقول ينهش ثومة القلـب افاعـي
    خذت القلم من بين روس الاصابيعوحبيت اميز سيرتـي وانطباعـي
    عزلت من صدقان عطلةالاسابيـعوعزلت من ضحك الوجيه الصناعي
    وعزلت من بنين بامالي مشاريـعجميد برد ولانس الشمس ماعـي
    وعزلت من زرع الخلـي البلاقيـعوعزلت من رفـع الثنيـه رباعـي
    من نفعة اللـي ماطلبنـي منافيـعجميلة(ن)في غير اهلها ضياعـي
    في اسواقها ماعاد لشري ولابيـعلخطيت من رفقة طويل الذراعـي
    اللي على الرفقه يسوقه دوافيـعهـذاك تشـرى رفقتـه ماتباعـي
    امايشجعني على الطيـب تشجيـعوالايعلمنـي حمـيـد المسـاعـي
    والا ليامنـه رمعـنـي روامـيـعوضاقت على كل الفجوج الوساعي
    جيته ويسرلي عسيـر المواضيـعوخلاخفايا خاطـري لـه وساعـي
    معرفته ماهـي معرفـة طماميـعماتنتـج الاالغطرسـه والضياعـي




    القصيده الخامسه







    الجهاله فـي ابـن آدم توليـه الدبـورلوطريقـه غـادي يحسـب انـه متجـه
    عنده ان مامثل شوره مع الاشوارشـورمادرى انه له مـزاج وللنـاس امزجـه
    يمكن ان تلقى مـزاج يبادلـك الشعـورلو على فلـم الشطـاره وفلـم الدبلجـه
    واخر المشوار لا حصلت مافي الصـدوركل زور فيـه شوراليـا فـاق اهرجـه
    القمر والشمس كنها تسلـف منـه نـوروالجبال اتصير تحتـه خيـول مسرجـه
    يحسب ان معه افضليـه توليـه العبـوران لقاءالملح ازعقه ون لقاءالحلواسمجه
    السماء عجزت تنوشه جناحيـن الطيـورماوصلـه الامحمـد ابليـلـة معـرجـه
    يـا ابـن آدم يلعـن الله مختـال فخـورمن تواضع تحـت ربـه يعليـه ادرجـه
    لجل ماتدخل جهنم علـى شـان الغـرورللعرب حـاول تواضـع وتعطيهـم وجـه
    من لقا عذب المشارب ومثمرة الزهـورما قعديغرف من البحرويسـوق احدجـه




    القصيده السادسه








    أنا وين أبلقى يالاجاويـد فاعـل خيـرحريصٍ على سـرّ المحبيـن لارسلتـه
    أناّ لوّ أبصبر عـام مابـان بـي تأثيـروهالحين حتّى الصبر يومين ما أحتلتـه
    أنا مثـل صقـارٍ تولّـع بحـبّ الطيـرولف قلبه فـروخ الصورايـم وهبلتـه
    تولعّت في فرخٍ قضيـبٍ يتـلّ السيـرابيّ نظرتٍ مـن لفتـة الحـرّ وسبلتـه
    صغيرٍ بسنّه غير عندي ماهـو بصغيـريامغـلاه فـي قلبـي وياكبـر منزلتـه
    أجمعله سمان الهرج خوفٍ من التقصيروالى جيت ابشرح له كلامـي تهيزلتـه
    يجيني منّه هيبه . معزه . سحى . تقديراقابلـه عنـدي علـم وأروح ماقلتـه



    القصيده السابعه








    ياعيون اللي على المرقب تعـلاّمايرب الا المراقيـب الطـوالا
    طرتّك منها غثاء البـال يتجـلاّنعـسٍ مابينهـا بيـضٍ تــلالا
    تذهل إلّي في جواهرهـا تحـلاّواهني من ذاق من ريقـك زلالا
    لا وجاه الله ومنّ زكّـى وصـلاّمانبيك الاّ علـى السنّـه حـلالا
    مايرّد الجوع شخبٍ في المفـلاّولا يخضّ السعن من ذوده هجالا
    أنـت غالـي ياوليفـي لا تغـلاّيثبت اللـيّ بيننـا ايـامٍ طـوالا
    واللهّ انّي ميسٍ مـن وصلـك الاّفزعةٍ مـن ربنـا جـلّ وتعـالا
    أدخل الضولات من شان أتسـلاّكود جرح القلب يبرى ويتشـالا
    والمجنّـب مـن الأوادم مايخـلاّلا سلم من شرّ ذولا ..جوه ذولا






    القصيده الثامنه








    ياوليفـي دمعكـم فـي غيابـي ردّ لـيوأدري انّ دمعتك خوفٍ عليّ ومن غـلاي
    أنت ممرضني وأشوف المرض فيكم وفيّالهبوب البارده منّك هبّـت فـي حشـاي
    والله انّ كبدي عليكـم عراويهـا أضمـيّوالمشارب غير هرجتك ماتقطع ضمـاي
    كيف تستغرب بطاي ومجييّ يـوم أجـيمنك اجيك أبدون رأيٍ وأروح ابدون رأي
    ليلي أسهر به والا جاء النهار أشلىشوّيمـرتٍ أشلـى ومـرٍ يعاودنـي بــلاي
    وأنت سبّة كـلّ شـي ولا داويـت شـيّكيف ياقـادر علـى داي ماتقـدر دواي
    بعد مـا شتتـوّ الفكـر وأخليتـو يـديّكثرت أعلوم الشماميت وأفرحتـو عـداي
    مابعد جاني من يوم التقـو بـي والـديولابعد مرّ المحبين مـنّ حـوّاء وجـاي
    لوّ خبر به حيّ يبكي علـى فقـدان حـيّكان يمدي من عرفني يشاركنـي عـزاي
    جعل يسقى يوم كان الهوى ماغيـر غـيّفأول الرحلـه مثـل مبتـداك ومبتـداي




    القصيده التاسعه








    ويش أسوي ياعيون الوحش عنق الغزاللاحصل طاريك يفتح على قلبـي أرواق
    لي ثلاث سنين بيـن الحقيقـه والخيـالوأخر اشهر ذالسنّه تكمل الرابع غـلاق
    شبه وضحاّ فالمخاضير زاويها الحيـالمن غلاها عند أهلها تبـارى ماتسـاق
    تيهّت من صغرهـا بيـن ثنتيـنٍ هجـالمهتويها راعيّ البل وعاشقهـا عشـاق
    عنديّ إنّك ماخذٍ تـاج ربّـات الجمـالسلموّك الحسن من باب صنعاء للعـراق




    القصيده العاشره








    ياعيون مرقـبٍ فعـل الجدايـرفي صعانين الطوال المستديـره
    صاحبك يعطي على شوفك بشايرديرةٍ منتو بهـا ماهـي بديـره
    من خذا منكم خفيّات السرايـروالله انّ يبطي ولعكم في ضميره
    لبـةٍ بيـن المعنّـق والزرايـرمثل شمس الصبح قدّام السفيره
    ويتفرشها من الخمري ستايـرذيل شقراّ شعشعت قدم المغيره
    جوهرة قارون غاليـة التجايـرأشهد انّك بهجة العمر الكبيـره
    واحدٍ حضّك مع حضّـه يسايـرشايفٍ القدر فالعشـر الأخيـره
    جعل أبو من لامني حمر المنايرفي محبّة واحـدٍ مالـي بغيـره




    القصيده الحادية عشر








    يامل قلب(ن) تقول يقلا على صيخخلت به الدنيا حـزازات ومشـوخ
    دنيا تنـوخ راعـي العقـل تنويـخوينداش فيها صاحي الفكر ويـدوخ
    تغيـرو فيهـا العيـال المطانـيـخوبسبابها شمل العرب صار مشلوخ
    خلتهـم الدنيـا مناشـف طبابيـخحتى الاقارب بينها الذيب مصلـوخ
    ماعاش فيها الاأعيـال الطخاطيـخخطوا البعير اللي من المدح منفوخ
    من شان ماله صار شيخ ولد شيخوامشيخٍ نفسه على النصب والجوخ
    بالحكـي لعتـازوه ويـاك مريـخوليا جاء لزومٍ عندهم صاروا فروخ




    القصيده الثانية عشر








    آه من قلبي اللي دايـمٍ فـي ذهـولوالله انه ثقيـلٍ ليـن جـوه الثقـال
    ياقطـاة العبيـه ياهيـام الـذلـولياعيـون النـداوي يارقبـة الغـزال
    نور وجهك على من شاف منك القبولنور صبحٍ تبسم فـي رهـاد الجبـال
    كني اقرا على طُـرّة جبينـك تقـولانـا قلبـي يحبـك ياحبيبـي تعـال
    كان قدمي حدٍ فالحـب راح مهبـولوالله انـه خطيـرٍ لايجينـي هبـال
    المحبـه جملهـا مرسـلٍ ومعقـولنعنبو من يقـول ان المحبـه خبـال
    والذي ليلة الاسراء عرج بالرسـولان حبك لحال وحـب غيـرك لحـال







    حامد آل سعد
    مراقب عام سابق
    مراقب عام سابق

    عدد المساهمات : 226

    رد: بعض قصائد الشاعر الكبير سعد بن جدلان الاكلبي

    مُساهمة من طرف حامد آل سعد في السبت 18 سبتمبر 2010 - 20:19

    نقلك موفق ، عسى الله يونس غربتك يالغريب .
    ودعائي بالفرج القريب من السميع المجيب
    أسد آل سعد

    الغريب
    مراقب عام سابق
    مراقب عام سابق

    عدد المساهمات : 1157

    رد: بعض قصائد الشاعر الكبير سعد بن جدلان الاكلبي

    مُساهمة من طرف الغريب في السبت 18 سبتمبر 2010 - 20:50

    اسد ال سعد
    شرفني مرورك

      الوقت/التاريخ الآن هو الأحد 4 ديسمبر 2016 - 6:56