منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    القصيدة المجنونة من اختيار يحى علوش قروب جناب العالمي على الواتس اب

    شاطر

    jnabcom
    مستشار منتديات جناب الهضب
    مستشار منتديات جناب الهضب

    عدد المساهمات : 3525

    القصيدة المجنونة من اختيار يحى علوش قروب جناب العالمي على الواتس اب

    مُساهمة من طرف jnabcom في الخميس 1 نوفمبر 2012 - 4:50

    ‏​قصيده مجنونه × مجنونه.
    ‏​‏​‏​‏​‏​‏​‏​‏​‏​‏​‏​‏​‏​‏​‏​‏​وردني تالي الليل جـــــــوال
    وانا على شاهي وبسكوت ديمة
    الرقم بايخ لكن الصوت قتال
    كنه مثل صوت المذيعة حليمة
    قالت صباح الخير ياطيّب الفال
    قلت ارحبي ترحيبةٍ مستديمة
    بالعود والصفري ودلة وفنجال
    واجبك يابنت الأصول الكريمة
    وردت بضحكة ثم قالت وش الحال؟
    قلت اشهد إن الحال عقبك سقيمة
    قالت وهي تضحك بعد مثل الأطفال
    وانا بعد كني بدونك يتيمة
    من يوم قالتها تزلزلت زلزال
    من فجعتي كني مسوي جريمة
    قلت ارفعي صوتك ترى مابه ارسال
    كذاااب .. لكنّ المصيبة عظيمة
    قالت أقول اسمع ترى هرجنا طال
    ممكن تصاحبني تراني وسيمة
    واسمي الحقيقي أول حروفه الدال
    لكن يسمّوني البنات الزعيمة
    صحيح أحب الفخفخة واعشق المال
    لكن .... تراني طاهرة مستقيمة
    ما عندي امغازل ولا(لعب جهّال)
    ما عندي إلا في الشرف والحشيمة
    بس الصراحة قلبي لشوفتـك مال
    واصبحت وحدك جالس في صميمه
    فكر بعقلك واترك القيل والقال
    واحذر تطيع اهل العقول العقيمة
    وارسل علي الحين خمسمية ريال
    أشحن بها جوال أختي غنيمة
    أو طقم غالي فيه خاتم وسلسال
    أروح به في عرس ولاّ عزيمة
    قلت الحقيقة ماني رجل أعمال
    ولاني بتاجر والموارد عديمة
    أنا الصراحة شبه عطّال بطّال
    وعلاقتي بالفقر جداً حميمة
    والراتب الله يرحم الحال مازال
    محدود والمصروف ربي عليمه
    والدين بـالآلاف والبنك شغّال
    ياكل فلوسي بالربا والظليمة
    والسوق طايح والغلا ضيّق البال
    والموت والله صاير اكبر غنيمة
    قالت تحمّل بس والحمل ينشال
    خلك شديد الباس صلب العزيمة
    ياخي تصرّف جعلك اتصير نشّال
    أهم شي إن النوايا سليمة
    لابد تفهمني على كل الأحوال
    ما دمت من أهل العقـول الفهيمة
    قلت إيه والله فاهم اللي على البال
    لكن ترى هذي علينا قديمــــة

    فريق جناب الهضب
    اداري
    اداري

    عدد المساهمات : 10999

    رد: القصيدة المجنونة من اختيار يحى علوش قروب جناب العالمي على الواتس اب

    مُساهمة من طرف فريق جناب الهضب في الجمعة 2 نوفمبر 2012 - 4:14

    1 11 2012

      الوقت/التاريخ الآن هو السبت 10 ديسمبر 2016 - 19:44