منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    ديوان الشاعر المخضرم سعيد بن شايع بن قاسم آل مجمل السنحاني القحطاني ،

    شاطر

    ديوان الشاعر المخضرم سعيد بن شايع بن قاسم آل مجمل السنحاني القحطاني ،

    مُساهمة من طرف فريق الجودة بجناب الهضب في الجمعة 17 مايو 2013 - 1:37


    قصيدة النصيحة للشاعر المخضرم سعيد بن شايع بن قاسم القحطاني
    24 4 1433هـ، 17 3 2012م،
    يا طول صبري وأنا كني على ملــه
    في داخل القلب مثل النار وقـاده
    ياتل قلبي من الهاجوس ياتلــــه
    تله ضوامي بحر القيـــــض وراده
    أحاول أهدي الموضوع وازلــــــه
    ولا أتعرض للوضع فيه نقــــــاده
    أحاول الصبر يمحي مامضى كلــــه
    وبعض الحكى ما نبي كثـره ورداده
    أعقول بعض العرب من الفكر مختله
    لجيت تقعد معه بتمل مقعـــــاده
    بعض العرب لنصحته تبغي أدلــــه
    لكنه تسقيه ماء من جوف بـــراده
    أنكان ما سمع منك جنب وخلـــــه
    بعض العرب قله المعروف له عـاده
    لما تحمل بحمل وأتعبه شلــــــه
    بيجيك متنيساً ياسرع عــــــواده
    يا خاطري لايش تتضايق وتزعل لــه
    حرمتني من لذيذ النوم وأرقــاده
    حذراك تهتم من بعض العرب لـلــه
    ولا تحاسب لمحداره ومسنـــــــاده
    من سايرك سايره بالطيب وأحسن له
    وقله ترى الطيب ناموس لمـن راده
    واللي يحب الخطا حذراً تهاون لـه
    ذوقه مر الحكى اللي يجرح أفواده
    أن سمع ولا يولي منك لا علــــــه
    يذوق المر في شربه وفــــي زاده
    لاتبتلي به ترى بعض العرب علـــه
    تبلش بشره وحاول دايم أبعـــاده
    قرب لي النجر والمحماس والدلــه
    ثم قرب البن وأكثر قنـــــــاده
    ليفاح بالهيل فوق الجمر ففطن له
    سله على شان يركد ذوقه أزيــاده
    لما تقهويت شل من التعب كلــــه
    في ظل طلح يهب النسناس ببــراده
    في وادي جعل نو الصيف يندلــــه
    لما ركد فيه براقه ورعــــــاده
    في الشعب الاسود مقر النفس والحله
    وهي ديرتي يوم كلاً يذكر أبـــلاده
    ماءها قراح يداوي الكبد مالعلـه
    ياتي سنان من الضلعان ميـــراده
    ماهي مويه بحور مخلط كلـــــــه
    ملح وكيماوي تعاف النفس من زاده
    لوني تحت طلحة أخير من فلـــــه
    جو عليل يداوي النفس مقعــــاده
    ياديرتي والله منسى منش لا بلـــــه
    متولع بش ونفسي فيش منقـــــاده
    الخير لجاء من الله ما بها قلــــه
    الزرع فيها يتعب كل حصــــــاده
    في دار سنحان قوم مابها ذلــــه
    قوم ترد الخطاء وتوطي أسيـــاده
    والطيب مثور فيه طبع وأجبلــــه
    يوصي بها الشايب اللي جاء من أحفاده
    وصلاة ربي عداد المزن لهلــــــه
    على رسول من الله يرشد أعبـــــاده





    قصيدة الشاعر المخضرم سعيد بن شايع ابن قاسم في معيض الباصم وعشق بن معوضة ومحمد ابن عشبه بتاريخ يوم الاحد 21 2 1433هـ، 15 1 2012م،


    مرحباً بالضيوف اللي علينــا عزازي

    والمعزه تقدم مالصديق لصديقــــه

    أشهد أنكم كسبتوا الطيب والامتيازي

    يوم جتناالظروف القاسيه وقت ضيقه

    راعي الطيب والمعروف بالطيب فازي

    والحقيقه تبان ولا تغبى الحقيقـــه

    أشهدي يالثريا وأشهدي يالجــوازي

    أن محبه هل المعروف عندي وثيقـــه

    الزحل هو ونجم سهيل والجدي حـازي

    حازوا الطيب لـكل نشد من رفيقــه

    الجبال الرفيعه هقوتي ما تهــازي

    في الليالي تبين للمسافر طريقـــه

    يامعيض وعشق ومحمد الهــــم وازي

    فالضماير تقول النار شبت حريقـــه

    كن قلبي على ضوء تولع بقـــــازي

    مالمرض والزمان الشين قد نشف ريقـه

    أشهد أنه من الدنيا ومن المال جازي

    عافها يوم شاف أن حياته شفيقـــــه

    الطواري هبت قلبي جروح وحــزازي

    أتصبر ولاكن صار في الصدر ضيقــــــه

    نحمد الله على عز ومكاني عـــزازي

    لابتي لعتزيت بهم حراراً طليقـــــــه

    لابتي لزمو عالخصم جاه أهتـزازي

    مثل هز الزلازل في البحور العميقـــه

    لابتي مثل الجبال النايفه في الحجازي

    من زبنها زبن وأفتك هم وضيقـــــــه

    العدو يوم جاء ناوي من البعد غازي

    قولوا الوجه ماهو بأكل عيش وسليقــه

    في حمانا الدخيل مطمئن ما يهازي

    من نوى له بشر أخلف الله طريقــــــــه

    جدنا من قديم الوقت بالعز فازي

    يوم عاد الجهل كلاً يبين رفيقـــــــه










    بسم الله الرحمن الرحيم

    قصيدة الشاعر المخضرم / سعيد بن شايع بن قاسم السنحاني
    في خادم الحرمين الشريفين الملك عبدالله بن عبد العزيز آل سعود
    الله يحيـــــــــــك يا مالك قلـــــــوب الجميع
    وانت ملكـــها وسيدهـــــــا ونبراسهـــــــــا
    الله يحيـــــــــــــك عـد أزهــــــــــار الربيع
    والمملكة ترفعـــــــــــــــك تاج على راسها
    تنشر صحفنـــــــــا وأذاعات المناطق تذيع
    بجيتك أكبر عطا للشعــــــــــب واحساسها
    من يزرع الطيب بالمعروف ما هو يضيع
    في ظلك المملكــــــــــــة تزها من الباسها
    ياسيد الكـون كلــــــــــــــه والمكان البديع
    ساس المحبـة ومرجعـــــــــــها ومقياسها
    ليتام والي من الفقـــــــــــران ما يستطيع
    ساعدتهم بالضمــــــــان وخفت أعماسها
    أنشهد لك  على الشـعب السعودي صنيع
    مأكثر عطاياك ما تحصـــــى عدد ناسها
    بالخير تسعى للشعبــك وانت قصر منيع
    فيك الذرى والمعـــــزة وانت لك ساسها
    ابو متعـــــــــب الله يمتعنا بشوفك جميع
    محبتك في قلــــــــوب الشعب مغراسها
    انت ملكنـــــــــــا ولك شأن ومقام رفيع
    والمملكة تفتخـــــــر بك وانت نوماسها
    وأختامها نطلب الله بالشفــاء لك سريع
    والناس تدعي وترجي ما أنقطع ياسها


    رد: ديوان الشاعر المخضرم سعيد بن شايع بن قاسم آل مجمل السنحاني القحطاني ،

    مُساهمة من طرف فريق الجودة بجناب الهضب في الجمعة 17 مايو 2013 - 1:38

    قزوعي الشاعر سعيد بن شايع بن قاسم في ملكة حاتم بن منصور الاسمري بتاريخ 27 10 1433هـ



    توفي الشاعر سعيد بن شايع بن قاسم آل مجمل السنحاني القحطاني في مدينة الرياض يوم السبت 20 8 1434هـ، 29 6 2013 رحمة الله رحمة واسعة واسكنة فسيح جناتة

      الوقت/التاريخ الآن هو الجمعة 9 ديسمبر 2016 - 8:46