منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    حـالـفٍ مـاخـذ عـلـى الطـرقـي ريـالـه .. وبثلاث محرم انه ما يجيني ، قصة الشاعر / راشد بن حسن بن مانع العجمي الملقب بــ ( ابن الذيب ) ..

    شاطر

    حـالـفٍ مـاخـذ عـلـى الطـرقـي ريـالـه .. وبثلاث محرم انه ما يجيني ، قصة الشاعر / راشد بن حسن بن مانع العجمي الملقب بــ ( ابن الذيب ) ..

    مُساهمة من طرف فريق العمل بجناب الهضب في الجمعة 2 أغسطس 2013 - 0:39

    حـالـفٍ مـاخـذ عـلـى الطـرقـي ريـالـه .. وبثلاث محرم انه ما يجيني

    السلام عليكم ورحمه الله وبركاته


    قصه رائعه تعبر عن الشهامه المتأصله في نفس ابن الباديه .. اترككم مع القصه ..

    القصه للشاعر (( ابن الذيب الشايب )) رحمه الله ..


    الشاعر / راشد بن حسن بن مانع العجمي الملقب بــ ( ابن الذيب ) ..

    وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله بعد ان حفر اسمه في التاريخ بافعاله الخالده فبيض الله وجهه فوق الارض وتحت الارض ويوم العرض ..

    راشد بن حسن .. كان يشتغل في شركة ارامكوا السعوديه .. وكان يملك سيارة للشركه ( جمس ارامكوا ) ..

    وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه .. حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسى يلقاني ( ابن الذيب ) على الطريق والا انا القاه ..ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

    جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي .. وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

    قالت له العجوز .. خلاص رح الله يستر عليك يا ولدي ..انا جالسه هنا انتظر ( ابن الذيب ) ..

    هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..

    يوم انصدم ( راشد بن حسن ) بقولها .. وتعجب !!

    قال اركبي يا خاله انا ( ابن الذيب ) وابشري بعزك ..

    ابوصلك انتي وغنمك ..

    وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم والاغراض الاخرى ..

    وصل العلم للشركه بما يقوم به ( ابن الذيب) .. وهدد بالفصل من الشركه اكثر من مره .. وبعض رؤساءه يئسو من المحاوله معه .. ومعجبين في نفس الوقت بشهامته و اصالته ..

    وصل ابن الذيب العجوز إلى المكان اللي تبيه ..

    وانشد هذه القصيده ..




    قالها ابـن الذيـب مـن هاجـوس بالـهكلـمـةٍ يـلـعـب بـهــا والـبــال يـزيـنـي
    قـالـهــا يــومــه طــرالــه مـاطـرالــهمـن هواجـيـسٍ تشـيـب المرضعيـنـي
    حالـفٍ مـاخـذ عـلـى الطـرقـي ريـالـهوبـالـثـلاث مـحــرم أنــــه مايـجـيـنـي
    لالقيت اللـي علـى ( السكـه ) لحالـهيلـتـفـت ويـقــول ويـــن المستحـيـنـي
    أوقـف الموتـر حـيـا وأبــي الجمـالـهيــوم ولــد الــلاش وجـهـه مايلـيـنـي
    الطـمـع فــي كــروة الرجـلـي رذالــة.خـص وان جابـه مـجـال الغانميـنـي
    والــردي فــي حـالـةٍ مـاهـي بـحـالـهواعـويـنــه مــــن كــــلام الطيـبـيـنـي
    الــردي لـــو بـــان مـايـذكـر عـمـالـهمـايـعـد الـــلاش مـقـصـور اليمـيـنـي
    أركـبـه لعـيـون مـــن زيـــنٍ دلالـهــماتـحـاكـوا فــــي قــفــاه الرامـسـيـنـي
    مابـغـى غـيـري وانــا مابـغـى بـدالـه.قـاعــدٍ لـــي بـالـرجـا مـــدة سنـيـنـي
    الصبـي وان طـاب طيبـه مـن خوالـهبـالـخـوال يـســال قــبــل الـوالـديـنـي
    أشـــرب الفـنـجـال واكــــب الـبـيـالـةتــابــعٍ سـلـمــي ســلــوم الأولـيــنــي
    ولاقـعـدنــا بـالـعـمـل بــنــا الــرزالــة.نـاخــذ العـلـيـا طــريــق الفـايـزيـنـي
    غـرنـي بـعـض الـرجـال بكـثـر مـالـهمادرى ان المـوت فـي حبـل الوتينـي
    كيـف ينفعـنـي وابــا(..........) خـالـهمايـقـوم البـيـت دام الـسـاس طـيـنـي
    مـاش ويـن الـلـي عـوايـده الجمـالـة.مثـل ابـن ظافـر حـمـد ليـتـه يجيـنـي
    الـثـنـا والـجــود دايـــم فـــي خـيـالــهعـلـمــه ظــافــر ســلــوم الطيـبـيـنـي
    جــــوّد الـعـلـيــا ولـزمّــهــا عـيــالــهوادركــوا مــن علمـتـه دنـيـا وديـنـي
    واهنـي مـن بـاع حظـه واشتـرى لـهوسار في درب النبي وأخزى اللعيني
    مـوقــفــه مــاكـــل رجـــــال يــنــالــهمــن بـغـى مـمـشـاه يـقـعـد مرتـيـنـي
    كـم ذبـح مـن حـايـلٍ مــن حــر مـالـهوعـادتـه لطـمـة خـشــوم العايلـيـنـي

    رد: حـالـفٍ مـاخـذ عـلـى الطـرقـي ريـالـه .. وبثلاث محرم انه ما يجيني ، قصة الشاعر / راشد بن حسن بن مانع العجمي الملقب بــ ( ابن الذيب ) ..

    مُساهمة من طرف فريق العمل بجناب الهضب في الجمعة 2 أغسطس 2013 - 0:39

    1 8 2013

      الوقت/التاريخ الآن هو الأحد 4 ديسمبر 2016 - 0:58