منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    قصيدة المهندس الشاعر: علي بن صالح الشّنّاني في السيد ظافر بن مسعود بن طرقه ال شنان بعد موقفه الغير متغرب في دفع مبلغ ٣ مليون عن القبيلة كما فعل اخوه جابر قبله . القصيدة : راكب اللي ما شريته للتجارة ما شريته غير في لازم إخواني ما بعد ساقوه من حارة لحار

    شاطر

    jnabcom
    مستشار منتديات جناب الهضب
    مستشار منتديات جناب الهضب

    عدد المساهمات : 3525

    قصيدة المهندس الشاعر: علي بن صالح الشّنّاني في السيد ظافر بن مسعود بن طرقه ال شنان بعد موقفه الغير متغرب في دفع مبلغ ٣ مليون عن القبيلة كما فعل اخوه جابر قبله . القصيدة : راكب اللي ما شريته للتجارة ما شريته غير في لازم إخواني ما بعد ساقوه من حارة لحار

    مُساهمة من طرف jnabcom في الخميس 15 أغسطس 2013 - 14:05

    قصيدة المهندس الشاعر:
    علي بن صالح الشّنّاني في السيد ظافر بن مسعود بن طرقه ال شنان بعد موقفه الغير متغرب في دفع مبلغ ٣ مليون عن القبيلة كما فعل اخوه جابر قبله .

    القصيدة :

    راكب اللي ما شريته للتجارة
    ما شريته غير في لازم إخواني

    ما بعد ساقوه من حارة لحارة
    وما بعد سامه فلان و لا فلاني

    الوكيل الحصري أعلن في قراره
    بإعتماده قبل يآصل للمواني

    جيب لكزس شوق قلبي واختياره
    منوة اللي عوّدت عشره ثماني

    ما شراه اللي حياته فالخفارة
    والفقير اللي من ظروفه يعاني

    مركب أصحاب الدارهم و الصدارة
    مطلب ما هي تحققه التماني

    لي تحليت الوصوف إمن الغمارة
    الوصايف والله إنها شي ثاني

    الغمارة كنها مكتب وزارة
    في بلاد ملوكنا وألا آل ثاني

    لي تحرك كنه شيخ له وقاره
    يدخل المسجد قبل يسمع الآذاني

    شاشته فيها التحكم والادارة
    صنع ياباني على صنعه ضماني

    يستحي من هيبته حتى الاشارة
    كيف لي جاء لازم والليل داني

    كن تمثاله بخشم الشبك شارة
    وكن كبوته نحر سيد الغواني

    وكن صوته لأحتمى وأشرعياره
    مثل صوت الهاجري وألا السناني

    لأمتطى الحزم الجلد ثوّر غباره
    وإن لمست محرّكه ما هو يداني

    فالملفات إصطفاقه و إنحداره
    إصطفاق السيل في عوج المحاني

    إن قفيته كنه ذيب شن غارة
    وإن نطحته كنه حر صيرماني

    طير حر ماكره في رأس قارة
    ما يضرّيها على القاع الطماني

    يعجب الصقار فالبيداء إطياره
    في هداده يطرح الخرب السماني

    سايقه ما عاش في جو الحضارة
    بدوي" عايش" بين السواني

    قرم وسنافي معه عزم وشطارة
    ما يغيّره الزمان القلّباني

    يا نديبي خل مندوب السفارة
    ما يبرّك للحمول إلا العماني

    أدري إنك وافي وسواق طارة
    وأنت قد العلم والميعاد حاني

    من شمال العاصمة تبدأ الاثارة
    دق سلفه وإربط حزام الآماني

    لأنتحيت إمن الرياض إضبط مساره
    مع خريص إليا الحساء وإنحر تماني

    وإخذ من سلوى يمينا باستداره
    وإدخل البطحاء وخرج في ثواني

    وإن دخلت السلع نآظر الحرارة
    شيّكه وإنحر طريف بكل آماني

    لي وصلت المفرق وصرت بجواره
    فاتجه لدبي لين تجيه عاني

    لين تآصل طير شلوى في دياره
    في دبي العز تلقى له مكاني

    نحّره بيت المهابه والإمارة
    بيت قرم من عريبين المجاني

    بيت عز وطيب ويذرّي جداره
    مدهل الضيفان من قاصي وداني

    شيّده راعيه في رأس الزبارة
    بيت قرم فارق بين المباني

    بيت ابن مسعود نمر من نماره
    ريف ابن عمه وضيفه والعواني

    مجلسه تشعاك قبل تجيه ناره
    والدلال تفوح هيل وزعفراني

    والحليب رغاه تزمي فالغضارة
    والشحم مترادم فوق الصياني

    أشهد إنه يحتمي من دون جاره
    وأشهد انه يذبح الحيل السماني

    الكرم والطيب والطالة شعاره
    عز ربعه جعل رأسه ما يهاني

    ما يحسب المال من ربح وخسارة
    يرتكي للحمل لي راغ الجباني

    لي عطت يمناه ما تدري يساره
    ذاخره لي جار وقتي وأبتلاني

    أرتكى للحمل من عزم وجسارة
    في لوازم لابته مثل الحصاني

    راح جابر عن بني عمه وداره
    وأعتزى ظافر ولا صابه تواني

    والهلال إليا تغيب عن مداره
    فالعوض فالجدي وسهيل اليماني

    ما نظمت الشعر في وضحاء وسارة
    أنظمه في مدح ذربين اليماني

    والله إني ما خذيت الشعر عارة
    أتنقّى من جزيلات المعاني

    أصخر بيوت القصايد من غزارة
    شاعرموهوب ولساني حصاني

    أمدح أهل المدح في جزل العبارة
    فعل وافين الخصايل ما خفاني

    مثل ابن طرقه بفعله وإعتباره
    جعل من جابوه في خضر الجناني

    قسم أبومنصور من رأس الفقارة
    تاج رأسي جعل يفداه الهداني

    ظافر اللي فزعته مثل البشارة
    يستحق أجيه يوم العلم جاني

    علموه إنّي بأمره في زيارة
    بأصله حشمة لو إنه ما دعاني

    قرم وأفخر في فعوله وإنتصاره
    وأمدحه لأنه كفو والفعل باني

    ومدحي ربعي عز ما فيه استشاره
    مرهقين القوم بخشوم السناني

    آل شنان المهابه و النعارة
    الجبال اللي تزبن كل جاني

    لي حصل يوم مثل يوم الزبارة
    فعلنا ربعي ما يبي له ترجماني

    كسرنا للعظم ما يلقى جبارة
    ننطح وجيه العدا والعمر فاني

    وطيب ابن طرقه و مبداه وشناره
    طبع وجبلّة لو يشين الزماني

    ومثل قول ابن بديع بإختصاره
    سمعته يفخر بها كل قحطاني

    ودي أشرف علي رأس المنارة
    وأرفع البيضاء قبل يصدر بياني

    بيض الله وجهه وعظّم وقاره
    راعي الطالات كسّاب الرهاني

    ما يقدم فاللوازيم اعتذاره
    يوم غيره فاللوازم ما يباني

    يستحق المدح شرواه بجدارة
    وإن مدحت الكفو صح الله لساني

    م. علي الشّنّاني الحبابي

    رد: قصيدة المهندس الشاعر: علي بن صالح الشّنّاني في السيد ظافر بن مسعود بن طرقه ال شنان بعد موقفه الغير متغرب في دفع مبلغ ٣ مليون عن القبيلة كما فعل اخوه جابر قبله . القصيدة : راكب اللي ما شريته للتجارة ما شريته غير في لازم إخواني ما بعد ساقوه من حارة لحار

    مُساهمة من طرف فريق العمل بجناب الهضب في الجمعة 16 أغسطس 2013 - 0:24

    15 8 2013

      الوقت/التاريخ الآن هو الأحد 11 ديسمبر 2016 - 11:02