منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    ماكل من ركب الخيل خيال ولا كل خيل تعجبك هي أصيله ولا كل من أعجبك هرجه برجال بعض العرب ملسون وأيده بخيله الكل يلبس ثوب وشما

    شاطر

    jnabcom
    مستشار منتديات جناب الهضب
    مستشار منتديات جناب الهضب

    عدد المساهمات : 3525

    ماكل من ركب الخيل خيال ولا كل خيل تعجبك هي أصيله ولا كل من أعجبك هرجه برجال بعض العرب ملسون وأيده بخيله الكل يلبس ثوب وشما

    مُساهمة من طرف jnabcom في الأربعاء 9 أبريل 2014 - 5:54

    ماكل من ركب الخيل خيال
    ولا كل خيل تعجبك هي أصيله

    ولا كل من أعجبك هرجه برجال
    بعض العرب ملسون وأيده بخيله

    الكل يلبس ثوب وشماغ وعقال
    وعند اللزوم أفعالهم قليله

    الرجل تثبت له أقاويل وأفعال
    لاقال شئ ونفذه هو دليله

    والرجل لاشفته مع القيل والقال
    أبعد عنه هذا صفاته عليله

    والكذب خله عنك مافاد لوطال
    قول الصدق ياصاح غنم وجميله

    وخلك شجاع وذي صفات للأبطال
    إللي كما سيوف تبارق سليله

    وإللي شراك أشريه لو كان بالمال
    خلك معه وإن مال دور بديله

    وأصبر ترى الدنيا تبدل بها أحوال
    وماكل شئ تشوفه صافي تجيله

    وبعد الكدر تشرب صفا عذب وزلال
    هذا الزمن فيه إستـقامه وميله

    وصاحب خليل لو جفا الوقت مامال
    ترى الرجل يعرف بقيمة خليله

    وأقفل على سرك بكتمان وأقفال
    بعض العرب يمسي وينوي بحيله

    وخلك آمين إذا توليت الأعمال
    من خان في يوم الحشر ياحليله

    خل التواضع فيك واضح بالأفعال
    ترى الكبر يردى بيوم وليله

    ولا تحسد إللي رزق مال وعيال
    وش ينفعك لو كان حسدك يزيله

    ولا تزور تقلب الزين بطال
    الله عليم بالنوايا الدخيله

    وخلك رزين ترى الخفه للأطفال
    وأصفح عن المخطي ولو زاد قيله

    وأحمل همومك لو كانها وزن الأثقال
    بكره تروح وتنجلي عنك الثقيله

    وصلﱢ فرضك ولا تنسيك اﻷشغال
    محدن في دنيته درى وش بقيله

    وزر اﻷقارب وللرحم كن وصال
    وخلك عظيم الشأن وسط القبيله

    رد: ماكل من ركب الخيل خيال ولا كل خيل تعجبك هي أصيله ولا كل من أعجبك هرجه برجال بعض العرب ملسون وأيده بخيله الكل يلبس ثوب وشما

    مُساهمة من طرف فريق العمل بجناب الهضب في الأربعاء 9 أبريل 2014 - 6:11

    كلمات مهرة بنت محمد

      الوقت/التاريخ الآن هو الثلاثاء 6 ديسمبر 2016 - 20:59