منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    ممدوح مشيط الشاعر ممدوح مشيط السيرة الذاتية للشاعر ممدوح مشيط الاسم ممدوح مرضي خالد مشيط الشمري ، شاعر سعودي

    شاطر

    ممدوح مشيط الشاعر ممدوح مشيط السيرة الذاتية للشاعر ممدوح مشيط الاسم ممدوح مرضي خالد مشيط الشمري ، شاعر سعودي

    مُساهمة من طرف فريق العمل بجناب الهضب في الإثنين 5 أكتوبر 2015 - 19:24

    ممدوح مشيط
    الشاعر ممدوح مشيط
    السيرة الذاتية للشاعر ممدوح مشيط

    الاسم  ممدوح مرضي خالد مشيط الشمري ، شاعر سعودي

    العمر عام 2015 م 29 عام

     

    رد: ممدوح مشيط الشاعر ممدوح مشيط السيرة الذاتية للشاعر ممدوح مشيط الاسم ممدوح مرضي خالد مشيط الشمري ، شاعر سعودي

    مُساهمة من طرف فريق العمل بجناب الهضب في الإثنين 5 أكتوبر 2015 - 19:25

    احبها

    امي ولبده والزباره وبرزان
    وعيرف وقصر الضيغمي والإماره
    وحي المزعبر والعليا وصديان
    والموقده واللي بها شب ناره
    واجا وسلمى والرعيله وعفنان
    في وسط جوف الحايلي حُب داره
    وابوي لاجوله من البعد ضيفان
    جلسه معه تسوى دوام وخفاره
    لاشب عقب العصر ناره ونادان
    تسوى رواتب هاالوظايف واجاره
    داري وطن وتعد من ضمن الأوطان
    مفروض في كل المدن له سفاره
    عشان لاضقنا وهلّن الأعيان
    ناخذ لنا من يم حايل زياره
    من دونها مايمنعك كاينٍ كان
    تروح للمجلس ويصدر قراره
    وتاخذ جوازك والسفر له مسيان
    مافيه من يفرض عليك إنتظاره
    لاجيت فوق جبال سلمى وولهان
    أجا يرحّب بك وولع شعاره
    اهلا وسهلا باالتراحيب يزدان
    على جبال ديار حاتم مناره
    احبها حب اليتامى للإحسان
    واغلى من الصقار لأهل الصقاره

    الشاعر/ ممدوح المشيط


    image



    الكرم

    حنا فقارى مال لكن ترى اجواد
    لو كان تطلب روحنا لك عطينا
    نهدي ونعطي ماشكينا للأضداد
    ومن جودنا نكرم وتندا يدينا
    يعني ولو مانملك الشرب والزاد
    يمكن نقلّط من كرمنا حدينا
    افعالنا تشهد لها روس الأشهاد
    ياما عطينا باالوفا ماخذينا
    نقود دنيانا على الجود مانقاد
    لو خانت الايام حنا وفينا
    فينا الكرم فطره مع الدم ينقاد
    نقدح كرم وامجادنا تعتلينا
    افعالنا ووجيهنا بين الأجواد
    هي جاهنا تشهد لنا لأرتكينا

    الشاعر/ ممدوح المشيط


    image



    الرابح

    حنا على الدنيا ضيوف ومسايير
    والرابح اللي ياخذ النعم منها
    ومن لاكسب نعمٍ حياته مخاسير
    صعبٍ يجيه النعم لاراح عنها
    ماعاد ينفع لاخذته المقادير
    واقفى عن الدنيا وخلا رسنها
    ماعاد والله به تفيد المعاذير
    لن الزمن ماعاد والله زمنها
    الرابح اللي ماحصل منه تقصير
    والدين والأخلاق وسطه حضنها
    كم واحدٍ من بيننا عايش بخير
    حتى لو إنه باالقبر في كفنها
    نذكر سوالفهم معا شبة عصير
    كن القبور اليوم ماتحتضنها
    وكم حي ماله ذكر وسط المسايير
    حتى المساجد تفتقده بزمنها
    عايش ولاله وسط الاجواد تقدير
    المووت ابرك من حياتن حضنها

      الوقت/التاريخ الآن هو الإثنين 5 ديسمبر 2016 - 5:30