منتديات جناب الهضب

جدارة ، موقع نور ، برنامج نور ، جداره ، النتائج ،حافز ، قياس ،نتائج الطلاب ، نتائج الطالبات ، نتائج القدرات ، اسماء المرشحات ، دفعات جدارة ، أخر أخبار جدارة،نتائج القدرات ، نتائج التحصيلي ، جناب الهضب التعليمي ، موهبة ،كفايات

اعلانات قوقل متجاوبة2

صحيفة حزم

صحيفة حزم المالك ورئيس التحرير مرعي بن علي القحطاني http://www.alhzim.com/index.php

    برج الارسال (مصافحه اولى)

    شاطر

    برج الارسال (مصافحه اولى)

    مُساهمة من طرف صالح بن عون ال حازب في الإثنين 29 أغسطس 2011 - 3:15


    يالله يالي للصعيبات حلاال
    يافارج الكربات ومعدل الميل

    سترك وعفوك وانت ستار الاحوال
    يالواحد المعبود منشي الهماليــل

    اطلبك ياوالي على كل من وال
    فرج علــــى قلبٍ همومه مدابيل

    الوقت ميل بي وحمل الجمل مال
    وحلمٍ حلمته مالقيت أله تاويل

    خذتبي الايــام رحله وترحــال
    ومن جورها شفت العنى والبهاذيل

    تصفق بي الدنيا مـن الجال للجال
    وانا عيوني تسبر البرق وتخيل

    فما كل منهو يركب الخيل خيال
    وخيل بلا خيال ماتعتبر خيل

    وما كل متنن للثقيلات شيال
    وما كل من يسري عشق ظلمة الليل

    ياهاجسي مانت بعلى طرقتك ظال
    امرق على دربك عساه التساهيل

    وفضفض عن الي في خفى خافي البال
    مادام قدحي من زنودي قناديل

    لابارك الله فيك يابرج الارسال
    ارسل عليك وماتود المراسيل

    ماكنك الا عاذلٍ ضمن عذال
    ناس تحب النمنمه والاقاويل

    وانته تعاونهم على القيل والقال
    ترسل وتستقبل وتجني المحاصيل

    وخليتني مابين لقفى والاقبال
    يابرج (قارض) ليش قطع المواصيل

    مادري حدٍ راميك والا هو اهمال
    والا علي بالذات خصصت تقفيل

    ماتدري اني صابر والصبر طال
    وماتدري ان ماعادلي ع الصبر حيل

    في ديرةٍ مابين ضلعان وجبال
    مافيه ماسنجر ولافيه هتميل

    نبغى نتجمل مانحب التفسال
    مادامنا من نسل قوم حلاحيل

    قوم لهم في ديرة العز منزال
    متوارثين الطيب جيل بعد جيل

    رجالنا يسوى ثمانين رجال
    وسيوفنا للحرب دايم مصاقيل

    وافعالنا بالفعل ماهي بالاقوال
    وبيوتنا للضيف دايم مداهيل

    ولد عمر سنحان والعز لا زال
    لنا على الدنيا خروج ومداخيل

    ولا جهلنا ياعرب غير جهال
    هذا كلام مايبي له تحاليل

    وانا ابن حازب مكسبي جزل الافعال
    في ماضي الايام والا المقابيل

    من له مثل ربعي ترا الطيب له فال
    حمّاية المشرق قروم الرجاجيل

    من لامني في حبهم جعل سلال
    ذولا آل حازب وانشد الجدي وسهيل

    قلته وانا احب القوافي والامثال
    ماني بشاعر والمشاعر قناديل

    قالط على الدنيا ولاني بهثال
    قرم ولد قرم وربعي مشاكيل


    وسلامتكم


    مرعي علي القحطاني
    مدير ومؤسس ومالك الموقع
    مدير ومؤسس ومالك الموقع

    عدد المساهمات : 1987
    العمر : 48

    رد: برج الارسال (مصافحه اولى)

    مُساهمة من طرف مرعي علي القحطاني في الإثنين 29 أغسطس 2011 - 3:41

    أخي الشاعر / صالح بن عون ال حازب

    أولاً أرحب الله يحيك في موقعك ونتشرف بكم
    وصح الله لسانك وأعتلا شانك وافي وقصيدتك وافية ولاهنت لاعدمناك

    رد: برج الارسال (مصافحه اولى)

    مُساهمة من طرف صالح بن عون ال حازب في الإثنين 29 أغسطس 2011 - 3:56

    الله يبقيك يابوعلي



    صح الله بدنك والله لايهينك

    مرورك شرف

    لاهنت ولاشنت




    فريق جناب الهضب
    اداري
    اداري

    عدد المساهمات : 10999

    رد: برج الارسال (مصافحه اولى)

    مُساهمة من طرف فريق جناب الهضب في الإثنين 29 أغسطس 2011 - 4:16

    تظهر صورة صغيرة اسفل اسمك في رسائلك. يمكنك اظهار صورة واحدة فقط, عرضها لا يجب أن يزيد عن 150 نقطة, وارتفاعها لا يزيد عن 200 نقطة أما حجم الملف فيجب أن لا يزيد عن 64

    من لوحة البيانات الشخصية ، الصورة الشخصية ، يمكنم وضع الصوره التي ترغبون بها

    رد: برج الارسال (مصافحه اولى)

    مُساهمة من طرف صالح بن عون ال حازب في الإثنين 29 أغسطس 2011 - 17:07

    لاهنت ولاشنت

      الوقت/التاريخ الآن هو الجمعة 9 ديسمبر 2016 - 18:25